Filling a Consumer Complaint

စားသုံးသူတိုင်ကြားလွှာအား ရေးသားဖြည့်သွင်းခြင်း မပြုမီအရေးကြီးသော သတင်းအချက်အလက်များကို ဦးစွာဖတ်ရှုပါ။

• စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူများအား ကုန်စည်သို့မဟုတ်ဝန်ဆောင်မှုတို့ကို သုံးစွဲရာတွင် လိမ်လည် လှည့်ဖြားမှုမခံရစေရန် ဥပဒေအရ အကာအကွယ်ပေးနိုင်ရန်ဆောင်ရွက်လျက်ရှိပါသည်။

  (တိုင်ကြားစာပုံစံတွင် တိုင်ကြားသူ၏ အချက်အလက်၊ စီးပွားရေး လုပ်ငန်းရှင် အချက်အလက်များနှင့် တိုင်ကြားစာ ဖော်ပြချက်တို့ကို ဖြည့်သွင်းရန် လိုအပ်ပါသည်။)

• စားသုံးသူရေးရာဦးစီးဌာနသည် စားသုံးသူများသိလိုသော မေးခွန်းများအား ကူညီဖြေဆို ပေးနိုင်ရန်အသင့်ရှိပါသည်။ သင့်အနေဖြင့် စားသုံးသူကာကွယ်ရေးနှင့်ပတ်သက်သည့် ကိစ္စရပ်များကို မေးမြန်းလိုပါက ဆက်သွယ်မေးမြန်းနိုင်ပါသည်။

• စားသုံးသူကာကွယ်ရေးဥပဒေအရ ပုဂ္ဂိုလ်ရေးရာ၊ မိသားစု သို့မဟုတ် အိမ်ထောင်စု အတွက် ရည်ရွယ်ချက်ဖြင့် ဝယ်ယူသုံးစွဲသည့်ကုန်စည်သို့မဟုတ် ဝန်ဆောင်မှုနှင့် ပတ်သက်သည့် တိုင်ကြားမှုများ သို့မဟုတ် ယင်းရည်ရွယ်ချက်ဖြင့် လုပ်ဆောင်သည့် ကြော်ငြာ၊ ရောင်းချရန်ကမ်းလှမ်းခြင်း၊ အရောင်းမြှင့်တင်ခြင်းတို့နှင့်ပတ်သက်သည့် တိုင်ကြားမှုများကိုသာ ဖြေရှင်းဆောင်ရွက်ပေးပါသည်။

• စီးပွားရေးလုပ်ငန်းဆောင်ရွက်သူများ အချင်းချင်း တိုင်ကြားမှုများနှင့် စီးပွားရေးလုပ်ငန်း အလို့ငှာ ရည်ရွယ်ဆောင်ရွက်သည့် ကုန်စည် သို့မဟုတ် ဝန်ဆောင်မှုတို့ ပါဝင်သော လုပ်ငန်းများနှင့် ပတ်သက်သည့် တိုင်ကြားမှုများကိုဖြေရှင်းဆောင်ရွက်ပေးနိုင်မည် မဟုတ်ပါ။

• တရားရုံးတစ်ခုတွင် ကြားနာရန်စီစဉ်ဆောင်ရွက်ထားသော သို့မဟုတ် ကြားနာပြီးသော တိုင်ကြားမှုများကို ဖြေရှင်းဆောင်ရွက်ပေးခြင်း၊ သင့်လျော်သောဆုံးဖြတ်ပိုင်ခွင့်ရှိသည့် ဌာန သို့မဟုတ် အဖွဲ့အစည်းတို့မှ စုံစမ်းစစ်ဆေးဆဲဖြစ်သော သို့မဟုတ် ဖြေရှင်း ဆောင်ရွက်နေသောတိုင်ကြားမှုများကို ဖြေရှင်းဆောင်ရွက်ပေးခြင်းတို့ကို ပြုလုပ်ပေးနိုင်မည် မဟုတ်ပါ။

• အချို့သောတိုင်ကြားမှုများမှာ အခြားသက်ဆိုင်သည့် ဌာန/အဖွဲ့အစည်းများ၏ ဆုံးဖြတ် ပိုင်ခွင့်အာဏာအတွင်း ကျရောက်မည်ဆိုပါက သက်ဆိုင်ရာဌာန/အဖွဲ့အစည်းများသို့ တိုင်ကြားစာအား လွှဲပြောင်းပေးသွားမည်ဖြစ်ပါသည်။

• တိုင်ကြားစာပုံစံအား ပေးပို့မည်ဆိုပါက စာချုပ်များ၊ ကုန်အမှာလွှာများ သို့မဟုတ် အရောင်းပြေစာများ စသည့်စာရွက်စာတမ်းကို ပူးတွဲပေးပို့ရန် လိုအပ်ပါသည်။ သင်၏တိုင်ကြားမှုနှင့် ဆက်နွယ်မှုမရှိသောပုဂ္ဂိုလ်ရေးရာ အချက်အလက်များနှင့် ငွေးရေးငွေကြေးဆိုင်ရာ သတင်းအချက်အလက်များကို ချန်လှပ်ထားနိုင်ပါသည်။

• တိုင်ကြားမှုနှင့်ပတ်သက်၍ စားသုံးသူရေးရာဦးစီးဌာနက ဖုန်း (သို့မဟုတ်) email ဖြင့် ဆက်သွယ်မှုများကို တိုင်ကြားသူမှ ပြန်လည်ဖြေကြားပေးခြင်း၊ ပူးပေါင်းဆောင်ရွက်ပေးခြင်းအားဖြင့် တိုင်ကြားမှုများကို အောင်မြင်စွာဖြေရှင်းပေးနိုင်မည် ဖြစ်ပါသည်။

Please do not click the browser's back button. It will wipe out all already-filled information.

စားသုံးသူ၏ တိုင်ကြားလွှာအား အောက်ပါ နည်းလမ်း (၃)မျိုး ဖြင့် စားသုံးသူရေးရာဦးစီးဌာနသို့ တိုင်ကြားနိုင်ပါသည်-

နည်းလမ်း (၁) စားသုံးသူတိုင်ကြားမှုပုံစံ (pdf) ဖိုင်အား Download ရယူပါ။ ထို့နောက် လူကြီးမင်း၏ တိုင်ကြားသော အချက်အလက်များနှင့် အထောက်အထားများကို တိုင်ကြားမှုပုံစံတွင် ဖြည့်စွက်ပြီး ရုံးအမှတ် (၅၂)၊ စားသုံးသူရေးရာဦးစီးဌာနသို့ သင့်လျော်သော နည်းလမ်းဖြင့် ပေးပို့တိုင်ကြားခြင်း (တိုင်ကြားမှုပုံစံတွင် လူကြီးမင်း၏ လက်မှတ်နှင့် တိုင်ကြားသောနေ့ရက် ပါရှိရမည်)

နည်းလမ်း (၂) စားသုံးသူတိုင်ကြားမှုပုံစံ (pdf) ဖိုင်အား Download ရယူပါ။ ထို့နောက် လူကြီးမင်း၏ တိုင်ကြားလိုသော အချက်အလက်များကို ဖြည့်စွက်ပြီး စားသုံးသူရေးရာဦးစီးဌာန၏ email ဖြစ်သော consumerwebsitedoca@gmail.com သို့ ပေးပို့တိုင်ကြားခြင်း (တိုင်ကြားမှုပုံစံတွင် လူကြီးမင်း၏ လက်မှတ်နှင့် တိုင်ကြားသောနေ့ရက် ပါရှိရမည်)

နည်းလမ်း (၃) online မှတဆင့် တိုင်ကြားခြင်း တိုင်ကြားလိုပါက “Next” အားနှိပ်၍ တိုင်ကြားမှု ပြုလုပ်နိုင်ပါသည်။